Gwendal a zo etre Kaourintin Hulaud (kuzul rannvro Breizh) ha Jean-Luc Ramel (bertaeyn galleizz)
Pedet eo bet Gwendal Géléoc e anv an UDB Yaouank e Karaez ‘pad forom ar yezhioù aozet gant ar strollad d’ar 15 a viz. Setu pezh ‘neus lâret Gwendal, dre vraz evel just!
Arrabat enebiñ ar yezhoù kenetrezo (ha pa vefe brezhoneg, gallaoueg pe galleg). Politikel eo ar fed reiñ ur pouez ha broudañ ar yezhoù minorelaet. Dav eo peurwiriekaat Karta Europa ar yezhoù minorel. Rannvro Breizh (adunanet) a rank kaout ar barregezh yezhel, evit gellet ober war-dro ar yezhoù. Drastus eo stad ar yezhoù minorel e Breizh, dreist-holl evit ar gallaoueg. Mat eo ivez lakaat ar pouez war an embann vrezhonek (ha gallaouek ivez) hag a servij kalz d’an deskadurezh dre vras. Kinniget ‘n eus Gwendal ivez sevel un akademiezh eus Breizh gant ur rann evit ar brezhoneg hag unan all evit ar gallaoueg diwar batrom ar pezh a vez graet en Euskadi.
Ha c’hwi, petra soñjit?
UDB Yaouank 